• sacré charlerwè - les paroles

    Sacré Charlerwè

    Bondjou Charlerwè
    Dj'ritère au viladje.
    Qui fèt bon d'lé twè
    Rèspirer t'language
    Ca fèt pu d'vingt ans
    Qu'on n's'aveut vèyu
    Dj'el djure su m'moman
    On n'si quitra pu !

    REFRAIN
    Sacré Charlerwè
    Qwè c'qui faut qui dj'fèye
    Pour n'pu yès sot d'twè
    D'ène façon parèye ?

    Mins come t'as candji,
    T'as "évolué"
    T'n'as pupon d'pachi.
    Tes abes sont rasès !
    T'as pus d'twès-quate "rings" !
    T'as minne in métro !
    Et des grands "buildings" comme à Chicago !

    REFRAIN

    Ou ç'qui t'as stitchi
    Tes fières molètes,
    Et tes vis tèris.
    Pleins d'nids d'alouètes.
    Tes tchiminées d'usines
    Et tes hauts-fourgnas
    Ont come d'el vaseline
    Fondus au solia

    REFRAIN

    Min c'qui m'a sti lon,
    C'est qu'a scole primère
    On n'pale pu walon.
    Parait qu'c'est vulguère…
    Min est-c-qui tu dors ?
    Dji t'l'aurai predi:
    Tes scolis pu tord
    Vont quitter l'payis …

    REFRAIN

    -Tout c'qui dj'ai dit là,
    C'est m'façon d'pinser.
    Tu n'mi choutes nè dja !
    Wète-mi, s'i vou plait !
    Dji seus d'el pougnie
    Di vis compagnons
    Qui don'rit leu vie
    Pou t'pays walon

    REFRAIN

    Lalalala
    Lalalala
    Sacre Charlerwe
    Sacre Charlerwe !